







У Клімавічах прайшоў паказ кінадылогіі "Нашы сімвалы". Гледачамі сталі навучэнцы школ горада і іх педагогі.
Кінадылогія вытворчасці кінастудыі "Беларусьфільм" складаецца з двух фільмаў "Дзяржаўны флаг Рэспублікі Беларусь" і "Дзяржаўны герб Рэспублікі Беларусь".
На экране клімаўчане ўбачылі дакументальныя стужкі аб сімвалах нашай дзяржаўнасці. Кожная частка доўжылася 26 хвілін і складалася з важных момантаў, якія павінны ведаць маладыя людзі.
Напярэдадні, 26 верасня, у райцэнтры арганізаваны ўрачыстасці, прысвечаныя 82-й гадавіне з дня вызвалення раёна ад гітлераўскіх акупантаў.
У цэнтры горада працуюць тэматычныя, інтэрактыўныя, спартыўныя пляцоўкі і выставы прадпрыемстваў, арганізацый, устаноў Клімаўшчыны “Наша памяць – наш гонар!”. Народныя ўмельцы ўдзельнічалі ў кірмашы сувеніраў, вырабаў дэкаратыўна-прыкладной творчасці.
У амфітэатры адбыўся тэматычны канцэрт "Са святам цябе, любімы горад!".





