Редакция Климовичской районной газеты "Родная Нива"
Дзень яднання народаў
Беларусі і Расіі
У Клімавіцкім раённым цэнтры культуры адбылося ўрачыстае мерапрыемства і святочны канцэрт, прысвечаныя Дню яднання народаў Беларусі і Расіі.
Са словамі віншавання да ўдзельнікаў мерапрыемства звярнуўся старшыня райвыканкама Віктар Пугач.
— Дзень яднання народаў Беларусі і Расіі нагадвае нам пра агульныя карані, традыцыі, культурныя каштоўнасці, якія стагоддзямі служылі асновай для моцнага сяброўства, — падкрэсліў Віктар Мікалаевіч. - Беларусь і Расія заўсёды падтрымлівалі адзін аднаго ў цяжкія часы. Нашае супрацоўніцтва стала сімвалам узаемнай павагі і стварыла трывалы падмурак для будучых пакаленняў.
Кіраўнік раёна пажадаў усім міру, дабра і дабрабыту.
Артысты з Яршыцкага раёна прывезлі клімаўчанам музычны падарунак.
Наша свята з'яўляецца сімвалам духоўнай супольнасці, мы беражліва захоўваем нашы каштоўнасці. Беларусь і Расія і ў далейшым будуць умацоўваць брацкія сувязі і клапаціцца аб дабрабыце сваіх народаў.